0
Café natural
O café natural, sería máis correcto dicir, café de toste natural é o que se obtén ao tostar o café sen engadir ningún elemento engadido, nin azucre nin ningún outro compoñente.
Un café natural non ten ningún outro compoñente engadido, é 100% café.
Seica existen cafés artificiais?
Acabemos dunha plumada con esta dúbida que nos atenaza, o café sempre, sempre, sempre nace dunha planta de café chamada cafeeira.
Se me permites a maldade, polo menos todo o café, excepto o que se envasa en cápsulas que vai ti a saber como se trata nos laboratorios, que non tostadeiros, das multinacionais.
Entón a que nos referimos cando falamos dun café natural?
Falamos neste caso do tipo de proceso de torrado do café.
O café natural é aquel que tostamos sen engadir nada ao café
O café, a maquina para tostar o café e a mestría do mestre torrador que se encarga de extraer todas as características positivas do aroma e sabor do café.
Todo isto a condición de que falemos do tostado artesanal do café.
Xa que no tostado industrial só existen dous elementos máquina de torrar café coa súa programación para torrar café.
Aínda que os dous tostados son naturais a forma de levalos acabo son diferentes por que en primeiro a intervención da experiencia do mestre torrado serve para obter todo o aroma e sabor ao café.
Nos procesos industriais esta presenza é menor o que fai que non se alcance o mesmo nivel de calidade no tostado.
O tostado artesanal adoita reservarse para cafés de alta calidade mentres que o procesos industriais fanse cos cafés de menor calidade.
Existe un tostado natural do café, é que existe outra forma de torrar café que chamamos torrefacción.
A outra forma de tostar o café é a torrefacción, que dá lugar ao café torrefacto, que non é outra cousa que engadir unha porcentaxe de azucre ao café que se tosta, aproximadamente un 15 % do peso.
Si algunha verdade está universalmente aceptada no mundo do café, é que torrefactar o café é a peor idea que deu o ser humano en utilizar para servir un bo café.
Non somos amantes do café torrefacto, si amamos do café natural.
Acabemos o ataque ao café torrefacto coa traca final e merecida.
Foi un invento nun período en que a carestía e moita escaseza, presuntamente polo desexo de conservación do café en momentos que non existia a tecnoloxia de hoxe, pero que ademais era e é rendible economicamente para os que se adican a torrefactar o café.
O azucre era e é máis barato que o café, e o caramelo que recubría o café presuntamente preservábao como xa dixemos, a base de torrar de mais o café.
Así nun quilo de café están a meterche uns 150 gramos de azucre que che cobran a prezo de café, cando en realidade era e é máis barato que o café.
Ao alcanzar temperaturas próximas aos 200 °C o azucre carameliñase adheríndose ao café, creando unha película de tonalidade moi escura e brillante que lle dá un aspecto de queimado.
E ese aspecto de queimado non só queda en aspecto senón que se queima realmente o café.
Hoxe en día tómase en mesturas con café natural, xa é raro atopar torrefactos 100%.
E onde se perpetrou tamaña ignominia co café, pois onde vai ser na Península Ibérica amigo, os españois, incluidos os galegos que desta non libramos, e portugueses debemos de entoar o mea culpa, xa que é aquí é onde naceu en épocas convulsas como a posguerra española.
Usos, hábitos ou tradición, pero tamén de descoñecemento do irremediable pedida de calidade do café cando se mestura con azucre queimado a 200 ª C seguen alimentando a súa presenza aínda a día de hoxe en Mesturas de café.
Eu particularmente hai tempo que o eliminei dos cafés que tomo, só tomo café natural. Alguén dixo unha vez que a vida é curta para tomar un mal café, subscríboo.
Como tostadores de café a nosa proposta é sinxela, levar café natural, fresco, artesal e cunha extraordinaria calidade á túa cunca.
A proposta é sinxela levala a cabo non tanto, xa que son mil factores os que se deben de ter en canta para poñer un gran café na túa cunca.
Un vídeo tan natural como o café que tostamos, pódese oír como se tosta o café, magoa que non podamos facer que ulas, iso si que tería sido un gran vídeo.
Un café natural dinos a que tipo de tostado foi sometido o café.
O arábica e o robusta son as dúas principais variedades de café e os dous tipos de café pódense tostar como cafés naturais.
Mentres que no resto do mundo é máis consumido o arábica, considerado de mellor calidade, en España, como non, ocorre todo o contrario, consumimos robusta en maiores cantidades que o café arábica.
O café robusta é un café de peor calidade, con menos aroma e sabor, máis barato, e co dobre de cafeína que un café arábica.
Por tanto o feito de que sexa café natural non quere dicir que sexa un café arábica, aínda que o café é torrefacto é moi posible que sexa café robusta.
Ninguén compra un gran café de calidade a un custo alto para torralo de mais coa torrefacción, na que sexamos claros, empréganse os cafés de peor calidade.
Unha cousa é como torra o café natarual o torrefacto e outra o tipo de café que se torra arábica ou robusta.
Así polo tostado clasificámolos en cafés naturais e torrefactos, e polo tipo de planta da que proceden, en café arábica e café robusta.
Unha reflexión final, algunhas veces pregúntome se existe un xene que nos impulse a tomar un pésimo café neste país noso, ou é puro descoñecemento o que nos leva a elixir por vontade propia un café torrefacto e robusta.
Inclínome pola segunda opción.
Se queres un consello compra sempre café natural, maiormente arábica fronte a robusta
Aínda que certas mesturas ben equilibradas entre arábica e robusta poden funcionar ben sobre todo nos cafés expresos.
É a túa elección comprar o café que che veña en gana, pero non perdes nada comprando un café sabendo o que compras.
Saúdos e que goces do café.
Non deixes de ler
Café Torrefacto fronte ó Café Natural Café Mestura, torrado Natural e Torrefacto: En que se diferencian Que é o café Blend? Tipo de café pola súa forma de ser procesado