0
O café Moca é un café con leite un pouco especial.
O café moca é unha variación do Capuchino, por tanto de orixe italiana, feito con café expreso, leite vaporizada e chocolate.
Ao café moca tamén se lle coñece como "café moka", "café moccha".
Fáise cun expreso que é un terzo do café moca que estamos a preparar, e dous terzos de leite vaporizada, culminando o café con chocolate moitas veces en forma de xarope de chocolate e noutras ocasións en forma de cacao en po.
Un par de aclaracións terminolóxicas sobre o termino moka no mundo do café.
Non confundir co café de cafeteira Moka tamén coñecida como cafeteira italiana, que moitos de nós temos en casa para facer o café da mañá.
O café que usamos no café moca non procede da elaboración do café en cafeteira italiana senón de cafeteira expreso.
Doutra banda tampouco estamos a pensar no café moca que toma o seu nome da cidade costeira do mar Vermello en Iemen, en árabe Al-Mukhā galeguizado a Moca, que xa no século XV era unha importante localidade exportadora de café.
Por extensión chámase tamén moca a un tipo de gran de café procedente desta cidade e que lembra ao cacao, de onde pode vir a asociación co nome de moca deste café que é mestura de café e chocolate.
Como vedes o termino moca é moi polisémico no mundo do café.
Nalgúns lugares de Europa o "café moca" pode ser simplemente o café elaborado con grans desta zona de Africa.
Quede claro pois que con Café Moka referímonos á forma italiana de prepara este café con chocolate e leite.
Podédelo atopar nomeado como "moka", "café moccha", "mocaccino", ou mesmo "mocha" ou "mocachino" todas elas formas de nomear a este tipo de preparación do café.
Ingredientes para facer un café moca
-
Un Café expreso
-
Leite fresco
-
Cacao en po
-
Xarope de chocolate con leite ou negro, segundo o gusto.
Unha variante moi común é o Café Moca Branco, feito con chocolate branco en lugar de negro ou con leite.
Preparación del café Moca:
Como calquera café con leite o Café Moca require que se faga como base un gran café expreso.
-
Por tanto utilizaremos un café arábica ou un blend cunha gran porcentaxe de arábica.
-
Fresco, é dicir, que fose tostado recentemente
-
Moéndoo fino o café xusto antes de facer o expreso.
Ollo non queremos que o café sexa po non pode chegar nunca á textura do talco.
A moenda ten que ser fina para conseguir que a auga entre en contacto coa maior parte de café posible e así se realice a extracción rapidamente.
O café expreso extráese nuns 25 segundos se o moído non é correcto o teu café terá defectos.
Calquera dos Cafés Sabora, un Ecolóxico Arábica 100%, un Café Arábica, un Gran Orixe ou un café Negro Selección, se che gusta o café máis corpo, serán ideais para un café moca.
O paso seguinte é quentar leite fresco formado escuma, co vaporizador da cafeteira expreso.
Recubrimos as paredes da cunca na que o vaiamos a servir o moca co xarope de chocolate, que pode ser con leite ou negro en función dos nosos gustos.
Outra opción é verter cacao na cunca e mesturalo cun pouco de auga ata que se disolva.
Sexa cal for a opción elixida vertemos o café na cunca co xarope de chocolate, ou ben o cacao disolto, e removemos ata que o café e o chocolate mestúrense uniformemente.
Despois vertemos o leite vaporizado asegurándonos de que a escuma queda na parte superior do café ao estilo do café capuchino.
Para decorar utilizaremos cacao en po ou xarope de chocolate en función do noso gusto.
Basicamente este é o café que un barista che servira se pides un café moca nunha cafetería.
Podes pedir un café moca branco en lugar de chocolate negro, ou chocolate con leite, o barista empregará chocolate branco.
Ou mesmo un moca branco e negro, ou cebra, que combina chocolates negros e brancos.
Nalgúns locais atoparás que che serven o café moca con azucre espallado por enriba como detalle decorativo e para dar sabor.
Existe un café moi parecido no canto a preparación, tamén de orixe italiana:
Non confundires o café moca cO marocchino.
O marocchino faise:
-
Colocando un anaco de chocolate negro ou con leite nunha cunca.
-
Engádeselle o expreso sobre o chocolate para derretelo.
-
Agrégaselle cacao en po.
-
E un pouco de escuma de leite.
-
Pódese decorar con máis cacao en po e azucre morena ou mesmo un par de grans de café.
Como ves moi similar ao moca pero utiliza moito menos leite na súa elaboración.
Nalgunhas ocasións estas preparacións tenden a solaparse e podes atopar preparacións que mesturen estes dous conceptos.
De feito moitos substitúen o xarope de chocolate polo cacao en po nas preparacións de cafés moca no que parece unha clara influencia do morocchino na forma de preparar o moca, polo menos no que era habitual nas cafeterías americanas ata non hai moitos anos.
Se che gusta o chocolate e/ou o cacao tes que probar o café moca, unha forma divertida de tomar café.
Un abrazo querido lector e que o bo café che acompañe no camiño.
Probaches o café moca? En que locais che gustou máis?
Tamen che pode interesar
A moka, cafeteira que cambio a forma de tomar café Capuchino: todos segredos deste café global ao descuberto Que é un café flat white, e como se prepara Que é un café latte e en que se diferencia doutros cafés