O uso que lle dás ás túas cafeteiras, inflúe no sabor do café?
0
Chemex
Cafeteira de filtro Chemex
As cafeteiras inflúen no sabor do café máis do que poidas pensar.
Dous tipo de cafeteiras distintas que utilicen o mesmo café, incluso da mesma bolsa, obterán dous cafés en cunca diferentes entre si.
É máis se utilizas o mesmo moído do café nesas dúas cafeteiras distintas é moi posible que obteñas resultados non só diferentes, senón que un café sexa magnífico e outro teña tremendos defectos, polo simple feito de que utilizas o mesmo moído para dúas cafeteiras diferentes.
Se segues a ler vas entendelo.
E non deixa de ser sorprendente que existan tantas formas diferentes de prepara unha mesma bebida, é dicir, tantos tipos de cafeteiras.
Existen infinidade de cafeteiras ao longo e ancho do mundo, mesmo existe a posibilidade de facer un café de pota sen ningún outro tipo de cafeteira.
Adentarémonos no mundo da tecnoloxía para tomar café: as cafeteiras.
Existen cafeteiras tan raras para o común do publico como as que conseguen infusións de café con auga fría ou como as cafeteiras ao baleiro.
No post Centrarémonos nas que máis habitualmente podes ter na túa casa.
Cafeteira italiana ou Moka
Cafeteira moi popular en Italia, España e outros países mediterráneos.
Prepara o café con certa presión, xa que tecnicamente é quen de levar ao vapor de auga no seu interior a acadar os 1,5 bares de presión.
O éxito destas cafeteiras radica na súa simplicidade e pequeno tamaño.
Ademais de que son realmente económicas e producen un bo café se o preparamos correctamente, mantendo as cocientes de auga e café.
A primeira recomendación e atender no deposito inferior, enchendo auga ata a válvula de presión sin sobrepasala, e se enches de café o caciño tes poucas opcións de equivocarte.
Iso si ao contrario que o café de cafeteira expreso non se debe de premer o café no funil.
A cafeteira francesa é unha das cafeteiras mais simples no seu deseño.
Ofrece un café cun bo sabor e gran corpo.
Como contrapartida, ten un proceso de preparación un pouco máis complicado que a cafeteira italiana.
O mecanismo da cafeteira é extremadamente simple, en realidade é o máis parecido a facer un café de pota.
É un recipiente cilíndrico, normalmente de vidro, e un émbolo cun filtro.
O café pouco moído mestúrase coa auga directamente.
Nun cazo quentamos auga e a vertemos no cilindro, onde colocariamos o café moído.
Tapamos a cafeteira, pero sen baixar o émbolo, e deixamos infusionar 4 ou 5 minutos, podedes revolver para romper cada certo tempo para romper a costra de café que se vai a formar na parte superior do recipiente.
Transcorrido ese tempo, baixamos o émbolo, levando o café moído ao fondo e deixándonos un rico café para beber.
Formada por unha base de cristal en forma de matraz cunha parte superior en forma de cono aberto, cunha arandela de madeira no pescozo para a súa manipulación.
Podedela ver na foto principal do post.
Para facer café colócanse uns filtros especiais en forma de cono, deposítase o café moído e vértese directamente a auga quente.
Podes conseguir unha por algo máis de 25 euros para unha chemex de 6 cuncas.
A cafeteira V60 de Hario pode lembrar á anterior.
O certo é que o cono de goteo é un invento da firma xaponesa Hario, especializada en produtos de vidro para a industria química.
O nome, V60, provén do ángulo de 60 graos do seu cono, deseñado para facer un café filtrado perfecto.
A V60 orixinal é de cerámica aínda que hoxe fabrícase tamén en metal, vidro e plástico.
Chegamos aquí á categoría reina das cafeteiras: as cafeteiras espresso, que son as que se utilizan en bares e cafeterías, pero que tamén podemos ter na casa.
Basicamente débese quentar auga para que alcance moita presión e facela pasar polo funel co filtro onde está o café a uns 10 bares e 90º centígrados.
A auga a tanta temperatura e presión extrae rapidamente todo o sabor ao café e obtemos unha bebida curta, cremosa, intensa e con moito corpo.
O quentar auga e levala a esa presión non é tarefa fácil, e é por iso que as cafeteiras espresso domésticas aínda son bastante aparatosas e requiren mantemento.
A mala utilización das cafeteiras acaba co mellor café.
Aquí convén introducir dous terminos igual de perniciosos para o resultado final do café na túa cunca realizado con calquera cafeteira.
A Sub-extracción do café e a sobre-extracción do café.
Cando falamos de extracción referímonos ao proceso polo cal a auga empapa as partículas de café moído disolvendo todos os seus compoñentes en maior ou menor medida na auga.
Se facemos ben o traballo de extraer un bo café, a nosa cunca de café, polo menos do café de calidade, terá un sabor doce e agradábel cunha acidez equilibrada.
Pero se o facemos mal e non damos un bo uso ás nosas cafeteiras, teremos os dous defectos máis temidos na extracción do café:
1º a sobre-extracción do café.
A sobre-extracción adoita darse porque a moenda é excesivamente fina ou o tempo total de extracción máis longo do que debería ser.
Adoita identificarse esta sobre- extracción polo resaibo amargo que deixa no café, que parece estar queimado.
Este gusto amargo tómao o café en cunca do feito de que o café ten pasado máis tempo do necesario en contacto coa auga.
2º Que é a sub-extracción do café?
Para Matt Perger, a sub-extracción ocorre cando a auga non logrou extraer o suficiente sabor do noso café.
Normalmente o tempo de paso da auga non foi o adecuado, quedándose curto.
Ou o café tiña unha moenda demasiado grosa que provoca que a auga tarde máis en emulsionar ao café.
O noso café ten un resaibo acedo pouco agradábel con notas salgadas.
Digamos que o café debe de ter un punto de acidez que é o que debemos de conseguir. Pero neste caso pasámonos de longo coa acidez do café que deixou de ser agradábel.
A clave para obter un café perfecto está na moenda adecuada a cafeteira que se vai usar
Se non acertas coa moenda da túa cafeteira xa podes comprar o mellor café que o resultado non será bo.
Cada un dos tipos de cafeteiras que podes usar ten as súas necesidades no grao de moenda.
Ten en conta que o tamaño das partículas de café moído vai influír no seu contacto coa auga.
Canto máis pequenas sexan estas partículas de café, o contacto coa auga será maior e, como consecuencia, a extracción máis rápida porque os comportes que están no café disólvese antes.
Así cafeteira moi rápidas como o café expreso necesitasen moendas finas, en canto sobe o tempo de extracción as cafeteiras que tardan máis en conseguir café utilizarán moendas máis grosas.
Se fas unha torta mides as proporcións de fariña, leite, azucre, etc que necesitas.
Cando fas un café mides as cantidades de auga e café que necesitas?
Se as resposta é non, estás a facelo mal.
O cociente de café moído e auga incidirá decisivamente no sabor do teu café:
Moita auga en pouco café moído daranos un café moito máis augado que o que pretendes conseguir.
Cun café diluído en pouca cantidade de auga crearás un café moi cargado, bo para despois dunha noite de esmorga, pero quizá non tan bo se queres gozar dun bo café.
Como consello faite cunha pesa, pesa o café e a auga, e mantén as proporcións recomendadas entre o café e a auga.
Existe unha ferramenta marabillosa que nos proporciona elcafetero.es para que atopes sempre a proporción adecuada á cafeteira que usas.
É tan boa que che permite mesmo decidir se queres o café máis ou menos cargado
Lembra tan importante é dispoñer dunha boa cafeteira, que non ten por que custar moito necesariamente, como utilizala adecuadamente cos seus graos de moenda, cocientes de auga café, e en tempos de paso adecuados, nin sobre-extraendo, nin sub-extraendo o café.
Así que tomarvos o voso tempo para elixir as cafeteiras que ides ter en casa.
E sobre todo aprende a utilizar a cafeteira correctamente.